Tag: အဂ္ဂဇော်

(၁) ဦးဘသာကြီးအကြောင်းပြောရင်းနဲ့ တော်တော်ရောက်လာခဲ့ပြီ၊ ဒီတစ်ခါတော့ ကျုပ်ကိုယ်တွေ့ကြုံခဲ့ရတဲ့ ဦးဘသာနဲ့ ပညာပြိုင်ခဲ့တဲ့ စုန်းမတစ်ယောက်အကြောင်းဗျ၊ ပြောရမယ်ဆိုရင် ကျုပ်အသက် ဆယ့်ငါးနှစ်လောက်ကပေါ့ဗျာ။ ကျုပ်တို့ဆီမှာက အစိုးရကျောင်းမရှိဘူးဗျ၊ ကျောင်းဆိုရင် ကျုပ်တို့ရွာနဲ့ ရှစ်မိုင်ဝေးတဲ့ တန်းမြင့်ကျေးရွာက မူလတန်းကျောင်းကို သွားတက်ရတယ်၊ ဒါပေမယ့် အဲဒီကျောင်းကလည်း ပေတိပေစုတ်ပါ၊ ဆရာလည်း တစ်ယောက်နှစ်ယောက်လားရှိတာဆိုတော့ ကျုပ်တို့လိုဝေးတဲ့သူတွေက ကျောင်းကို တကူးတကသွားမတက်ကြဘူးဗျ။ ကျုပ်တို့မိဘတွေကလည်း မထားပေးဘူး၊ သူတို့လည်း အစိုးရကျောင်းနေခဲ့ရတာမှ မဟုတ်တာ၊ ဒါကြောင့် ရွာက ယောက်ျားလေးတွေဆိုရင် ဆယ်နှစ်လောက်ဆိုတာနဲ့ ထုံးစံအတိုင်း ဘုန်းကြီးကျောင်းကိုပို့တာပေါ့ဗျာ။ ဘုန်းကြီးကျောင်းဆိုလို့ သိပ်လွယ်တယ်မထင်နဲ့ကိုယ့်လူ၊ ဘုန်းကြီးကျောင်းမှာက မြန်မာစာသင်တယ်၊ ပါဠိသင်တယ်၊ နောက်ပြီး ဘုရားစာတွေသင်တယ်၊ ဗေဒင်သင်တယ်၊ ဆေးပညာသင်တယ်ဗျာ၊ ခုခေတ်နဲ့ပြောရရင်တော့ ဘာသာတွဲတွေပေါ့ဗျာ။ ဘုန်းကြီးကျောင်းမှာသင်တဲ့ သဂြိုလ်တို့၊ သဒ္ဒါဆို့ဆိုတာ သိပ်ခက်တာဗျာ၊ ကျုပ်တို့မှာ ဘုန်းကြီးကျောင်းတက်ခဲ့ပေမယ့်…

Read More “စုန်းထီးကြီး ဦးဘသာနှင့် ဆင်ကွပ်မကြည်” »

(၁) ဦးဘသာအကြောင်းပြောလာတာ တော်တော်ရောက်လာပြီဗျ၊ အခုဆိုရင် ဦးဘသာကြီးနဲ့သိပ်ပြီး မိတ်ဆက်ပေးစရာ မလိုတော့ဘူးထင်တယ်ဗျနော်။ ဒီတစ်ခါပြောမယ့်အကြောင်းက ဦးတက်တူဆိုတဲ့လူကြီးအကြောင်းဗျ။ သူက လူမိုက်ကြီးဗျ။ အနေအထိုင်အတော်ကြမ်းကြမ်းတမ်းတမ်းနေတဲ့လူကြီး၊ တစ်နည်းအားဖြင့်ပြောရင်တော့ လူပေလူတေကြီးပေါ့ဗျာ။ ကျုပ်တို့ငယ်ငယ်တုန်းက ကျုပ်တို့တွေငိုနေပြီဆိုရင် အမေက ဦးတက်တူကြီးလာပြီဟေ့ လို့ပြောလိုက်တာနဲ့ ကျုပ်တို့မှာ အငိုတိတ်သွားရတယ်။ ဦးတက်တူဆိုရင် ကျုပ်တို့ကလေးတွေက နာမည်ကြားရင်ကို ကြောက်နေရတာ၊ ဆော့နေရင်းလည်း ဦးတက်တူကြီးလာနေတာကိုမြင်လို့ကတော့ ကျွန်တော်တို့ကလေးတစ်သိုက် နီးရာအိမ်တက်ပြေးပြီး ပုန်းတော့တာပဲဗျို့။ ဦးတက်တူဆိုတာက အသက်တော့သိပ်မကြီးသေးပါဘူးဗျာ၊ လူပုံက ခပ်ကြမ်းကြမ်း၊ ဆံပင်က ဖွာလန်ကျဲနေတာပဲဗျာ၊ ပါးနှစ်ဖက်မှာလည်း ကျောက်ပေါက်မာတွေနဲ့၊ နှာခေါင်းက တိုတိုလန်လန်ပွပွကြီး၊ လူပုံကလည်း ပုပုကွကွ၊ လူကောင်ထွားထွားနဲ့၊ လမ်းလျှောက်ရင်လည်း ဘောက်ဆတ်ဘောက်ဆတ်နဲ့ဆိုတော့ သူ့ရုပ်ကြီးမြင်ရင် ကျုပ်တို့ကလေးတွေဆိုတာ သရဲ၊ ဘီလူးတစ်ကောင်မြင်သလို ကြောက်နေရတာဗျ။ အဲဒီဦးတက်တူကြီးက ကျုပ်တို့ရွာကတော့မဟုတ်ဘူးဗျ၊ ရွာနီးချင်း ပေတောရွာကလူကြီး၊ ရုပ်ရည်က…

Read More “စုန်းထီးကြီး ဦးဘသာနှင့် လူမိုက်ကြီးတက်တူ” »

(၁) အပင်းဆိုတာတော့ လူတိုင်းကြားဖူးပြီးသားဖြစ်မှာပါ၊ ဒါပေမယ့် သေသေချာချာနားလည်သလားဆိုရင်တော့ ယောင်ဝါးဝါးပဲသိကြတာ၊ ကျုပ်လိုပေါ့ဗျာ၊ ကျုပ်တို့လဲ အပင်းဆိုတဲ့စကားကို သုံးနေကြတာပါပဲ၊ ဘာကိုသေသေချာချာပြောချင်တာလည်းဆိုရင်တော့ မကောင်းတဲ့အရာ တစ်ခုလို့ပဲပြောနိုင်တယ်၊ သေချာတော့ မပြောတတ်ဘူးဗျ။ ကျုပ်တို့ဒေသက အဆဲသန်တယ်ဆိုတော့ အပင်းဆိုတဲ့စကားကိုလည်း မကြာခဏသုံးတတ်ကြတယ်။ အထူးသဖြင့် ထမင်းစားတယ်ဆိုတာကို အပင်းချတယ်လို့ ပြောတာပေါ့၊ ခုခေတ်တော့ ခေတ်စားနေတဲ့ စောက်ဆိုတဲ့ စကားနဲ့တွဲပြီး စောက်ပင်းချတယ်ဆိုပြီး ဖြစ်သွားရောဗျာ။ ဒေါသထွက်နေတဲ့အချိန်တို့ဘာတို့ဆိုရင် အဲဒီလိုပြောဖြစ်တာများတယ်၊ အမေက ကျုပ်တို့ကိုမျောက်တွေလို့ မပြောတော့ပေမယ့် အပင်းဆိုတာတော့ သိပ်ပြောတာဗျ၊ ကျုပ်တို့ညီမအငယ်ဆုံးလေးက ဟင်းဆိုရင် သိပ်ကြေးများတတ်တာ၊ ဟိုဟင်းမစားဘူး၊ ဒီဟင်းမစားဘူးနဲ့ ဂျီကျတတ်တာပေါ့၊ အမေက စိတ်တိုလာရင် ညီမကိုဆဲရောဗျာ။ “ဟဲ့ နင်က ဒီဟင်းနဲ့မစားရင် ဘယ်ဟင်းနဲ့အပင်းချမလဲ ပြောစမ်း” ဆိုပြီးဆဲတတ်တာပေါ့ဗျာ၊ ကျုပ်တို့တွေကိုဆိုရင်လဲ ဆဲတာပဲ၊ ထုံးစံအတိုင်း မကြိုက်တဲ့သူကတော့…

Read More “စုန်းထီးကြီး ဦးဘသာနှင့် အစာပင်း” »

(၁) ဦးဘသာအကြောင်းပြောရင် ကုန်မယ်မထင်ဘူးဗျ။ ဒီအဖြစ်က ကျုပ်တို့လူပျိုပေါက်အရွယ်လောက်တုန်းက ဖြစ်ခဲ့တာ၊ ချေးစားတဲ့သရဲမဆိုလို့ စာရေးဆရာစိတ်ဝင်စားသွားပြီထင်တယ်၊ ကျုပ်ကလည်း တမင်စိတ်ဝင်စားအောင်ပြောလိုက်တာ၊ တကယ်တော့ အဲဒီသရဲမက သရဲမဟုတ်ဘူးဗျ၊ ခင်ဗျားနားရှုပ်သွားပြီထင်တယ်၊ တကယ်တော့ သရဲမဆိုတာက ခွေးတစ်ကောင်ဗျ၊ ခွေးဆိုတော့ ချေးစားတာပေါ့ဗျာ၊ ဒါကြောင့် တမင်ချေးစားတဲ့သရဲမလို့ ပြောလိုက်တာလေဗျာ၊ ဟဲ ဟဲ။ ဒါပေမယ့် အဲဒီသရဲမဆိုတဲ့ခွေးက နှယ်နှယ်ရရတော့မဟုတ်ဘူးဗျ၊ အဲဒီခွေးမက “စုန်းပူးခွေး” တစ်ကောင်လို့ ရွာကလူတွေက ပြောကြတယ်၊ စုန်းပူးခွေးဆိုတာ ခင်ဗျားတို့ကြားဖူးမယ်ထင်ပါတယ်။ မကြားဖူးလဲ ရပါတယ်ဗျာ၊ ကျုပ်က ပြောပြပါ့မယ်၊ စုန်းပူးခွေးဆိုတာက အဲဒီခွေးကို စုန်းတွေ၊ ကဝေတွေက ဝင်ပူးပြီးတော့ သွားလာလို့ရတယ်လို့ ဆိုတယ်ဗျ၊ ခွေးထဲကို စုန်းက စိတ်ဝင်ပူးပြီးတော့ ခွေးကိုသူ့အလိုကျ ခိုင်းစေတဲ့ပုံပေါ့ဗျာ။ ကျုပ်တို့ရွာမှာ ခွေးသားစားတဲ့သူမရှိတော့ ခွေးလေခွေးလွင့်တွေဆိုတာလည်း သိပ်ပေါတာဗျ။ သူတို့က…

Read More “စုန်းထီးကြီး ဦးဘသာနှင့် ချေးစားသောသရဲမ” »

(၁) ဦးဘသာအကြောင်း ဆက်ကြအုံးစို့ဗျာ၊ အကြောင်းအရာခေါင်းစဉ်ကိုပြောလိုက်တာနဲ့ ခင်ဗျားတို့တော်တော်စိတ်ဝင်စားသွားကြတယ်မဟုတ်လား၊ ဒီအဖြစ်က တကယ်ဗျ။ တကယ်ဖြစ်ခဲ့တယ်လို့ ပြောရတာထက်စာရင် ကျုပ်ကိုယ်တိုင်ဖြစ်ခဲ့တဲ့ ကိုယ်တွေ့လို့ပြောရင် ပိုမှန်မယ်ဗျ။ ဒီအကြောင်းမပြောခင် ဦးဘသာအကြောင်း နည်းနည်းပြောပြအုံးမယ်ဗျာ။ ဦးဘသာကြီးက စုန်းမှန်းမသိအောင်ကို အနေရိုးပြီး အေးလွန်းတဲ့သူကြီးပါ၊ အမြဲတမ်းကွမ်းကြီးငုံထားပြီးတော့ ခပ်ပြုံးပြုံးကြီးနဲ့ နေတတ်သူကြီးပေါ့၊ ရွာကလူတွေကတော့ သူ့ကိုစုန်းလို့ သိတဲ့လူလည်းရှိတယ်၊ မသိတဲ့လူလည်းရှိတယ်၊ မျက်စိနဲ့တပ်အပ်မမြင်ရလို့မယုံကြတဲ့သူတွေလည်းရှိတာပေါ့၊ ကျုပ်တို့ခေတ်က စုန်းတို့၊ ကဝေတို့၊ သိုက်နန်းရှင်တို့၊ သရဲတို့ဆိုတာ ပိတ်ပင်ထားတဲ့အရာတွေပေါ့ဗျာ၊ ကျုပ်တို့ငယ်ငယ်ကတော့ စုန်းကားတွေဘာတွေ ကြည့်လိုက်ကြရသေးတယ်၊ သိုက်နန်းတွေအကြောင်းရိုက်ထားတဲ့ ရာဇဝင်ကားတွေဆိုရင် အရမ်းကြည့်ကောင်းတာဗျ၊ ကြုံတုန်းပြောရအုံးမယ် ကျုပ်တို့ငယ်ငယ်က ရုပ်ရှင်ကြည့်ချင်ရင် အခုခေတ်ပွဲတွေသွင်းသလို ပွဲခေါ်သွင်းရတာဗျ၊ ယာယီဆောက်ထားတဲ့ရုပ်ရှင်ရုံထဲမှာ ညဘက်ကျတော့ရုပ်ရှင်ပြစက်နဲ့ပြတာ၊ ရုပ်ရှင်ကားအဟောင်းတွေများပါတယ်ဗျာ။ လူကြီးတွေကတော့ အချစ်ကားတွေဘာတွေကြိုက်တယ်၊ ကျုပ်တို့ကလေးတွေကျတော့ သေနတ်ပစ်တဲ့ကားတို့၊ ဓါးခုတ်တဲ့ကားတို့၊ သိုက်နန်းရှင်ကား၊ နတ်ကားပေါ့။ မှတ်မှတ်ရရဆို…

Read More “စုန်းထီးကြီးဦဘသာနှင့် မျောက်ဖြစ်သွားသောကလေးများ” »

(၁) ထပ်ပြောပြရအုံးမယ်၊ ဟိုတစ်နေ့က ပြောခဲ့တဲ့အကြောင်းရဲ့အဆက်လေးပေါ့ဗျာ၊ အဲဒီအကြောင်းမပြောခင် ဦးဘသာကြီးအကြောင်းကိုပြောရအောင်ဗျာ။ သူက အနေအထိုင်ရိုးရိုးအေးအေးပဲနေတယ်ဗျ။ သူ့ကိုကျွန်တော်တို့က စုန်းမှန်းသိပေမယ့် ကြောက်ရမယ့်အစား ခင်တောင်ခင်နေကျတာ။ သူက ကွမ်းတော့တော်တော်ကြိုက်တာဗျ။ လူကလည်း ကရင်စပ်တယ်လိုလို၊ မွန်စပ်တယ်လိုလိုပြောကြတယ်၊ လူကတော့ ခပ်ဖြူဖြူပဲ၊ ကျုပ်တို့အညာသားတွေကတော့ သိတယ်မဟုတ်လား၊ အသားအရည်က ထန်းလျက်ရောင် များတယ်၊ တစ်ချို့နေပူထဲအနေများတဲ့လူကျတော့ ပုန်းရည်ကြီးရောင်ပေါ့၊ အောင်မယ် မိန်းကလေးတွေကျတော့ ပုန်းရည်ကြီးရောင်သွားပြောရင်စိတ်ဆိုးကျတာ၊ မိန်းကလေးတွေကိုကျတော့ အသားကို ကရမက် အရောင်တဲ့လေ။ ကျုပ်တို့ရွာမှာ အသားဖြူတာဆိုလို့ ဦးဘသာရယ်၊ ရွာနောက်ပိုင်းကရင်အစုက ကရင်စပ်တွေရယ်၊ ရွာမှာငွေတိုးချေးစားပြီးတော့ အရက်ဆိုင်ဖွင့်တဲ့ တရုတ်ကြီးရယ် ဒီလောက်ပဲရှိတာဗျ။ ဦးဘသာကြီးအကြောင်းကို ကျုပ်တို့လည်းသိချင်ပေမယ့် ရွာကလူတွေတော်တော်များများက သိပ်မသိကြဘူး၊ ကျုပ်အဖေတောင်မှ ရေရေရာရာမသိဘူးဗျ၊ အဲ၊ ကျုပ်အဘိုးကျတော့ ဦးဘသာအမေကိုမီလိုက်တဲ့သူဆိုတော့ သူကတော့ နည်းနည်းပါးပါးသိတယ်၊ ဦးဘသာ စုန်းဖြစ်တာ…

Read More “စုန်းထီးကြီး ဦးဘသာနှင့် ဒွေးချောင်းရွာမှ စုန်းညီအမ” »

အခန်း(၁) ဒီလိုဗျ၊ ကျုပ်တို့ရွာမှာ အရမ်းအစွမ်းထက်တဲ့ စုန်းထီးကြီးတစ်ယောက်ရှိခဲ့တယ်၊ ကျုပ်တို့ကတော့ သိပ်မမီလိုက်ဘူး၊ ကျုပ်တို့အဘိုးတွေ၊ အဖေတွေကတော့ တော်တော်ကလေးမီလိုက်တာပေါ့။ သူ့နာမည်က ဦးသာစံ လို့ခေါ်တယ်၊ ဒါပေမယ့် ရွာကလူတွေကတော့ ဦးဘသာ လို့ပဲခေါ်တယ်၊ လူကွယ်ရာမှာဆိုရင်တော့ စုန်းထီးကြီးဦးဘသာလို့ ခေါ်ကြတာပေါ့ဗျာ။ သူ့ပုံစံကတော့ လူက ခပ်ပုပု၊ ခပ်၀၀ဖိုင့်ဖိုင့်ဗျ၊ နှုတ်ခမ်းမွှေး၊ မုတ်ဆိတ်မွှေးကျိုးတို့ကျဲတဲနဲ့ ခေါင်းကလဲထိပ်ကြီးပြောင်နေတာဗျ၊ မျက်နှာမှာလည်း ကျောက်ပေါက်မာတွေနဲ့ဆိုတော့ ကြည့်လိုက်ရင်ကို ကြောက်စရာကြီးပေါ့ဗျာ၊ ဒါပေမယ့် သူက အမြင်သာကြောက်ဖို့ကောင်းတာ အင်မတန်ခင်ဖို့ကောင်းတဲ့လူကြီးဗျ။ အမြဲတမ်းကွမ်းကြီးမြုံနေပြီးတော့ ခပ်ပြုံးပြုံးကြီးနေတတ်တယ်ဗျ။ အဝတ်အစားဆိုရင်လည်း အကျီအစုတ်ကြီးဖြစ်ဖြစ်၊ စွပ်ကျယ်လက်ပြတ်ကြီးဖြစ်ဖြစ် ဝတ်ထားတတ်ပြီးတော့ အောက်ကလည်းပုဆိုးတိုတိုနဲ့ တာရာဖိနပ်ကြီးဝတ်ထားတတ်တယ်။ သူ့ကိုစုန်းဆိုတာတောင် ရွာကလူတိုင်းသိကြတာမဟုတ်ဘူး၊ ကျုပ်အဘိုးက အရင်ကသူကြိးဖြစ်ခဲ့လို့သာ သူ့အကြောင်းတွေကိုသိနေတာဗျို့။ သူက စုန်းဆိုပေမယ့်လည်း တခြားစုန်းတွေလို ပြုစားတာတွေဘာတွေ မလုပ်ဘူးဗျ။ ရိုးရိုးသားသား လယ်လုပ်တယ်၊…

Read More “စုန်းထီးကြီး ဦးဘသာ နှင့် ခွေးနက်စုန်း” »